Премиерлигашки дуел за потписот на Ракитиќ

Англиските медиуми пренесуваат дека Иван Ракитиќ од слендната сезона би можел кариерата да ја продолжи во Премиер лигата.

Иднината на хрватскиот плејмејкер моментално е нејасна, бидејќи е видлив падот на неговата форма, а и Барселона спрема значителна реконструкција на тимот.

Во Шпанија се шпекулира дека веќе тој самиот решил за следниот чекор во својата кариера, а тоа е Премиер лигата.

Наводно веќе има доставено две официјални понуди за хрватскиот репрезентативец, а тоа се од Манчестер Јунајтед и Арсенал.

„Топџиите“ во моментов се со најконкретен интерес бидејќи во Ракитиќ гледаат идеална замена за Џек Вилшер, кој ќе го напушти „Емирати“ на крајот на сезоната.