Првиот клуб кој има играч во секоја група на Мундијалот – Барселона!

За десетина дена започнува Светското првенство во Русија. Списоците со играчи на сите репрезентации се веќе објавени и можете да ги погледнете ТУКА.

Собирот на најдобрите светски селекции воедно е и собир (поголем дел) на најквалитетните фудбалери на планетата, а интересно што Барселона е единствениот клуб кој ќе има свој играч во секоја од осумте групи на Мундијалот.

Каталонскиот гигант е првиот клуб на кого му успеало вакво нешто, а овој интересен податок само покажува колкав квалитет поседува Барселона во својот тим.

Во групата А во дресот на Уругвај ќе настапи Луис Суарез, во групата Б тука ќе биде Шпанија со Пике, Бускетс и Алба. За Франција која се натпреварува во групата Ц ќе настапат Умтити и Осман Дембеле, додека во групата Д ќе се сретат Меси со својата Аргентина и Ракитиќ со Хрватска.

Во дресот на Бразил во групата Е ќе настапат Кутињо и Паулињо, додека во групата Ф се најде голманот Тер Штеген. Во групата Г ќе ги видиме Вермален за Белгија, додека во групата Х боите на Колумбија ќе ги брани Јери Мина.