Почина сопругата на легендарниот Алекс Фергусон

Британските медиуми пренесоа дека вчера, на 84-годишна возраст починала Кејти, сопругата на легендарниот фудбалски менаџер Алекс Фергусон.

Англискиот клуб ја потврди информацијата на својата официјална веб-страница и испрати порака со сочувство до целото семејство Фергусон.

Двајцата се венчаа во 1966 година и имаат три деца, Дарен, Марк и Џејсон. Трофејниот стручњак се пензионираше во 2013 година за да помине повеќе време со неа, а во една прилика откри дека тоа можело да се случи многу порано, во 2002 година.