Почина еден од најдобрите напаѓачи на сите времиња

Почина последниот учесник во финалето на Светското првенство во 1958 година, Курт Хамрин. Поранешниот напаѓач на Шведска имаше 89 години.

Хамрин беше последниот учесник во финалето на Светското првенство во 1958 година со Бразил (2:5). Од шведската репрезентација од тој состав жив е само Уве Олсон, кој не играше во финалето.

Во текот на својата кариера Хамрин играше за АИК, Јувентус, Падова, Фиорентина, Милан, Наполи и Стокхолм.

Дресот на Фиорентина го носеше на повеќе од 300 натпревари и во период од девет години постигна 208 голови. Неговиот рекорд не го надмина ниту славниот Аргентинец Габриел Батистута кој остана на второто место на вечната листа.