Потрошија над 100 милиони, а синоќа испаднаа од Премиер лигата

Екипата на Фулам и официјално е вториот патник во Чемпионшип лигата откако синоќа доживеа висок пораз од Ватфорд со 4:1.

Клубот на милијардерот Шахид Кан минатата сезона заврши како третопласиран во Чемпионошип и преку плеј-офот и победата над Астон Вила во финалето обезбеди место во најсилната конкуренција во Англија.

Кан и менаџерот Славиша Јокановиќ знаеа дека борбата за опстанок може да биде тешка и за да избегнат преголема драма минатото лето потрошија дури 112 милиони евра на засилувања.

Но и покрај овие потрошени милиони Фулам ќе го напушти најелитното натпреварување во Англија и ќе се пресели ранг подолу.

Тимот на Скот Паркер, кој е веќе трет тренер, победи на само четири натпревари уште од 29 јануари за после тоа да наниже осум порази и синоќа и официјално да биде вториот патник во Чемпионшип лигата.

ТРАНСФЕРИТЕ НА ФУЛАМ МИНАТАТА СЕЗОНА

Жан Мишел Сери – Од Ница за 30 милиони евра

Андре Замбо Агуис – Од Марсеј за 25 милиони евра

Александар Митровиќ – Од Њукасл за 20.5 милиони евра (беше на позајмица го откупија договорот)

Елфи Мавсон – Од Свонси за 17 милиони евра

Џо Брајан – Од Бристол за седум милиони евра

Фабри – Од Бешикташ за шест милиони евра

Максим Ле Марчанд – Од Ница за седум милиони евра

Хавард Нортвеид – Од Хофенхајм за милион евра

Андре Шурле – Од Борусија Дортмунд за 400.000 евра (позајмица).