Потребно ли е да се игра Лига купот? – Еве што мисли Жозе Мурињо!

Португалецот јавно го искажа своето мислење…

Манчестер Јунајтед успеа да го совлада тимот на Бартон со 4:1 на „Олд Трафорд“, а менаџерот Жозе Мурињо изјави дека не е баш сигурен дали ова натпреварување воопшто треба да се игра.

„Ме прашувате дали може англискиот фудбал да преживее и дали би бил подобар без ова натпреварување? Мојот одговор е  – Да, веројатно. Ако ништо друго, фудбалерите би биле повеќе свежи за натпреварувањата во Европа“, изјави Мурињо.

Португалецот потоа истакна дека за него како менаџер е важно да го освои секое официјално натпреварување.

„Сакам и моите фудбалери да размислуваат така, мораме да го почитуваме натпреварувањето, спонзорите, но и нашите противници кои сигурно даваат се од себе, ако го освоивме одлично, а ако не тоа значи дека противниците биле подобри“, изјави Мурињо.

Манчестер Јунајтед во осмина финалето од Лига купот ќе игра против Свонси на гостински терен на 24 октомври.