Познато колку ќе паузира Меси поради повредата на зглобот

Стратегот на Интер Мајами, Герардо Мартино ја откри ситуацијата со повредата на Аргентинецот, Лионел Меси.

Легендарниот аргентински фудбалер го повреди зглобот на десната рака во финалето на Копа Америка против Колумбија, кое неговиот тим го доби со минимални 1:0.

Мартино изјави дека сигурно нема да може да смета на Меси на претстојните два натпревари во првенството, по што Аргентинецот би требало да биде спремен.

„Го свитка зглобот и има повреда. Веќе имав можност да ја видам снимката. Ќе направиме тестови за да ја утврдиме сериозноста на ситуацијата. Секогаш добиваме информации од нашиот кинезиолог Валтер Инсаурралде, кој е и кинезиолог на аргентинската репрезентација. Дијагнозира многу внимателно пред да ги добие резултатите од тестот“, изјави Мартина за „ESPN“.

На 18 јули Интер Мајами ќе игра против Торонто, а три дена подоцна против Чикаго.

Меси оваа сезона во МЛС лигата постигна 12 гола на исто толку натпревари со 14 асистенции.

По 23 одиграни натпревари, тимот од Флорида е втор во Источната конференција со бод помалку од водечкиот Синсинати.