Познато колку ќе заработува Мбапе во Реал Мадрид

Во Реал Мадрид се уверени дека трансферот на напаѓачот на Пари Сен-Жермен, Килијан Мбапе ќе се случи по завршувањето на оваа сезона.

Мбапе веќе донел конечна одлука, иако ПСЖ се обидува да го предомисли и да го продолжи договорот.

Во емисијата „Ел Чирингито“ денеска беше објавено дека напаѓачот на „Сантијаго Бернабеу“ ќе заработува околу 35 милиони евра нето по сезона, а ќе добие и бонус од околу 100 милиони евра при потпис на договорот.

Со тоа Мбапе ќе биде најплатениот фудбалер во Европа и далеку најплатен фудбалер во Реал Мадрид.

Само за споредба, Французинот ќе заработува три пати повеќе од Винисиус, кој вчера го продолжи договорот со „кралевите“.