Познато во кој термин Ѓоковиќ ќе го игра полуфиналето на Вимблдон

Новак Ѓоковиќ утре го очекува полуфиналето на Вимблдон во кое ќе игра против Јаник Синер, а сега е и одреден терминот за овој дуел.

Организаторите на неофицијалното тениско светско првенство потврдија дека дуелот помеѓу Ѓоковиќ и Синер ќе стартува во 14:30 часот.

Во второто полуфинале ќе се сретнат Карлос Алкараз и Данил Медведев, тие ќе играат по завршувањето на мечот помеѓу Ѓоковиќ и Синер.

Српскиот тенисер го делат само две победи од 24-тиот гренслем трофеј во кариерата, а во досегашниот тек на Вимблдон изгледа навистина сигурно и вкупно изгуби само два сета.