Познати детали: Јувентус наредната сезона ќе има нов голман

Како што стојат работите најдобриот голман во Серија А, Ди Грегорио следната сезона ќе го чува голот на Јувентус.

Ди Грегорио беше одличен на голот на Монца и најавите се дека Јувентус за него ќе плати сума од 20 милиони евра, 18 веднаш и два преку бонуси.

Ди Грегорио имаше одлична сезона во Серија А и доказ за тоа изборот за најдобар на својата позиција. Јувентус во изминатите два дена бил во контакт со претставниците на Григорио и Монца и се очекува наскоро се да биде договорено.

Со пристигнувањето на Ди Грегорио може да се очекува заминување на Војчех Шчесни во текот на летото, додека како втор голман би останал Матија Перин.

Во кариерата Ди Грегорио го бранеше голот уште на Ренете, Новара и Проденоне. Во младинските категории беше дел и од Интер, но во Милано никогаш не доби вистинска шанса.