Познати деталите: Влаховиќ најскап зимски трансфер во историјата на Серија А

Рано утрово како „бомба“ одекна веста дека Душан Влаховиќ е пред трансфер во Јувентус.

Влаховиќ ги одби сите други понуди и се договори со Јувентус, каде ќе потпише 5-годишен договор тежок 7 милиони евра по сезона.

Фиорентина и Јувентус денес ги договорија последните детали, па Влаховиќ утре треба да пристигне во Торино на лекарски прегледи.

Медиумите ги открија и финансиските детали од трансферот, кој ќе чини вкупно 75 милиони евра, што е најскап зимски трансфер во историјата на италијанскиот фудбал.

Јувентус ќе плати 67 милиони евра, плус 8 милиони евра во име на бонуси наредните години.