Позната примарната трансфер цел на Милан

Италијанските медиуми пренесуваат дека Милан сериозно се приклучил во трката за потписот на Сергеј Милинковиќ-Савиќ од Лацио.

Србинот одби да го продолжи договорот со Лацио бидејќи сака трансфер, а неколку европски гиганти се заинтересирани за неговиот потпис.

Со оглед на фактот дека Милинковиќ-Савиќ на лето влегува во последната година од договорот Лацио ќе биде приморан да го продаде.

Јувентус и Арсенал веќе подолго време го сакаат Србинот, но сега во трката за неговиот потпис се приклучи и Милан.

За „топџиите“ тој не е прв избор, додека Јувентус има финансиски проблеми и најверојатно нема да игра во Лигата на шампиони, па Милан сака да ја искористи шансата.

Трнерот Пиоли одлично го познава СМС од времето кога работеше во Лацио, па Србинот ќе биде примарна цел на „росонерите“ на лето.