Позната најголемата летна желба на Чави

Зимскиот трансфер период само што заврши, а Барселона не губи време во плановите за летните засилувања.

После доаѓањето на Феран Торес, Обамејанг и Адама Траоре, главна цел на Барселона во летниот преоден рок ќе биде засилување на одбраната.

Каталонците сакаат да донесат долгорочна замена за Жерар Пике, кој најавува крај на кариерата, а  најголема желба на тренерот Чави е дефанзивецот на Севиља, Жил Кунде.

Кунде е на мета на многу европски гиганти и има откупна клаузула од 80 милиони евра, па јасно е дека за Барселона тоа ќе биде голема инвестиција.

Чави го убедува Лапорта да се откаже од доведување на голема ѕвезда во нападот како Халанд и да се насочи кон реализација на трансферот на Кунде, кој има само 23 години и може долги години да биде столб на одбраната.