Позајмениот напаѓач на Евертон постигна лигашки гол после пост од 711 дена

Напаѓачот на Евертон, Сандро Рамирез кој како позајмен играч настапува во дресот на Ваљадолид вчера ја прекина црната низа од две години без лигашки гол.

Имено, овој 24 годишен напаѓач постигна гол за Ваљадолид во победата над Мајорка од 3:0 во 94-тата минута. Овој фудбалер постигна гол во првенство после пауза од 53 натпревари или 711 денови.

Претходно Рамирез првенствен гол постигна во 2017 година кога во дресот на Малага погоди против Селта.

Од тогаш погодуваше само во куп натпреварите.