Францускиот репрезентативец и играч за врска на Манчестер Јунајтед, Пол Погба е казнет за изјавата после натпреварот против Вотфорд преку која директно го критикуваше тренерот Жозе Мурињо.
Погба после ремито против Вотфорд (1:1), на „Олд Трафорд“ изјави дека Манчестер Јунајтед мора да игра повеќе офанзивно на домашен терен, а набрзо стигна и реакција од Мурињо кој очигледно се почуствува критикуван во таа позиција.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Како што пренесува „ЕСПН“, Мурињо одлучил Погба повеќе да не биде капитен додека тој е тренер на Јунајтед. Ќе потсетиме, Погба беше капитен додека Антонио Валенсија беше повреден, но според „ЕСПН“ тоа повеќе нема да биде така.
Истиот извор наведува и дека Мурињо ваквата одлука им ја соопштил и на останатите играчи.
Иначе, ова не е прв пат да се пишува за нетрпеливост помеѓу Погба и Мурињо, а кон крајот на минатата сезона Погба поради слични изјави седеше на клупата за резерви.
Учество во игри на среќа е дозволено за лица со 18+ години. Играј одговорно!