Повредата на Жота е посериозна, го пропушта дербито со Челзи

Повредата на Диого Жота е посериозна отколку што се очекуваше и според медиумите Португалецот има повредени лигаменти на глуждот.

Жота со сигурност ќе го пропушти дуелот со Норвич утре, а најверојатно нема да биде на располагање и за финалето во Купот со Челзи на 27 февруари.

После мечот со Интер, Клоп откри дека го заменил Жота на полувремето поради повреда на глуждот. Вчера Португалецот беше на детални лекарски прегледи, кои утврдија мало оштетување на лигаментите.

Жота е во одлична форма од почетокот на сезоната и до овој момент има постигнато 17 гола.

🤒| Let’s hope this is precautionary for Jota! pic.twitter.com/G6sFLpL0MG

— The Kopite (@_TheKopite) February 18, 2022