Повредата на Агуеро посериозна од очекуваното – Еве колку ќе паузира Аргентинецот

Лекарот на аргентинската фудбалска репрезентација, Донато Вилани соопшти дека Серхио Агуеро од терените ќе отсуствува шест недели.

Напаѓачот на Манчестер Сити минатата недела доживеа сообраќајна несреќа враќајќи се со такси по еден коценрт во Амстердам, а повредата која ја заработи во несреќата е посериозна отколку што беше најавувано.

Агуеро во моментов не е во можност да се движи или да влезе во автомобил, во што се увери и лекарот на аргентинската репрезентација Донато Вилани, кој соопшти дека закрепнувањето на искусниот напаѓач ќе трае вкупно шест недели.

„Агуеро е лошо расположен, бидејќи сака да и помогне на Аргентина во клучниот натпревар во квалификациите за Светското првенство“, изјави Вилани.

Во сообраќајна несреќа Агуеро заработи фрактура на две ребра, а голема е веројатноста дека би бил и многу потешко повреден да не бил врзан со појсаот.