Паредес: Само од Меси зависи дали ќе дојде во ПСЖ

ПСЖ повеќе не ги крие амбициите дека сака да го доведе Лионел Меси во своите редови.

Меси минатото лето беше пред заминување од Барселона, на крајот остана. Сепак, неговиот договор истекува на крајот од сезоната и во овој момент никој не знае дали тој ќе биде продолжен.

Лаенардо Паредес сега во интервју за „Кориере дело Спорт“ изјави дека ПСЖ има големи планови за Меси и дека се ќе зависи од одлуката на Аргентинецот.

„Се ќе зависи од одлуката на Меси, сите чекаме на тоа. Само од Меси зависи дали ќе дојде да ни се приклучи тука, ПСЖ веќе има обид да го убеди. Навистина ќе биде сон ако клубот го оствари тоа што го планира со Меси. Можам само да замислам како ќе биде секој ден да тренирам со Лео. Се надевам на позитивен исход“, изјави Паредес.