Падна договор: Лаутаро во Барса, Интер добива пари и двајца фудбалери

Барселона и Интер се блиску до договор за трансферот на аргентинскиот напаѓач, Лаутаро Мартинез, тврдат медиумите во Каталонија.

Според каталонски „Спорт“ Барса ќе плати 60 милиони евра за 22-годишниот Аргентинец, а исто така во трансферот ќе бидат вклучени и двајца фудбалери. На списокот се Умтити, Ракитиќ, Видал и Семедо.

Претходно во медиумите имаше информации дека раководството на Интер е подготвено да го ослободи Мартинез само доколку добие 111 милиони евра,колку што изнесува откупната клаузула, но Барселона не е подготвена да плати толку многу заради финансиската криза.

Интер сакаше во договорот да вклучи и едногодишна позајмица на Антоан Гризман, но тоа не е изводливо, па клубовите успеаа да се договорат со поинакви услови.

Лаутаро инсистира да се пресели на „Камп Ноу“, па Интер прифати да добие 60 милиони евра и двајца фудбалери.