Очекувано: Вентура ја наведна главата и со својата оставка кажа „Збогум Италија“

По 60 години, Италија не успеа да се пласира на Мундијалот во Русија 2018. година.

Поволниот минимален резултат за Шведска од првиот меч и ремито без погодоци вечерва на „Сан Сиро“, ги елиминираа „Аѕурите“ од СП.

Веднаш по мечот, како и што се очекуваше, Џампјеро Вентура си поднесе оставка, а оваа информација веднаш ја пласираа медиумите на „Чизмата“. Иако се знаеше дека без разлика на исходот тој е на излезна врата, неизбежно е да се потсетиме колку критики за неговото водење на националната селекција заработи на негова сметка.

Од утре во таборот на Федерацијата, ќе се одлучува за новото име на кормилото на „Аѕурите“.