Официјално: Јувентус се засили со француски талент

Јувентус денес и официјално го претстави новото засилување, а станува збор за 19-годишниот крилен напаѓач, Абдулај Дабо од Нант.

Францускиот талент пристигнува во Торино на позајмица до крајот на сезоната за која Јувентус ќе плати 1,5 милиони евра, а ќе има и опција да го откупи на лето.

Дабо првично ќе биде испратен да игра со младиот тим на Јувентус, каде ќе се обиде да се наметне и да добие повик за првиот тим.

Скаутите на Јувентус подолго време го следат талентот и се убедени дека ќе биде важен играч за иднината на клубот.

„Старата дама“ е активна кога се во прашање младите таленти, па претходно го договори трансферот на Николо Ровела од Џенова.