Официјално: Јувентус купи стопер!

Jувентус продолжува со купувањето ова лето.

„Старата дама“ во слободни трансфери ги доведе Арон Рамзи и Адриен Рабио, додека во овие моменти работи на трансферот на Де Лихт од Ајакс кој би требало да изнесува околу 70 милиони евра.

Покрај тие трансфери Јувентус работи и на некои „помали“, а едно од нив е Мерих Демирал.

Мерих изминатиот дел од сезоната го помина во Сасуоло. Интересно, Мерих во Сасуоло пристигна откако Анталиспор го откупи од Спортинг и веднаш го испрати на позајмица во Серија А.
Овој 21 годишен стопер од доаѓањето во Италија одигра 13 првенствени натпревари во дресот на Сасуоло, а против Киево постигна и два гола.

За потписот на Демирал Јувентус плати околу 18 милиони евра и таа сума Јувентус ќе ја отплати во четири рати.

UFFICIALE | Merih Demiral è bianconero! ⚪️⚫️ https://t.co/yOHn7Qr7Zr#WelcomeMerih #LiveAhead pic.twitter.com/LOSTkHrUk8

— JuventusFC (@juventusfc) July 5, 2019