Официјално: Серија А на „Арена Спорт“ до 2024 година

Италијанската Серија А и во наредните три години ќе ја гледаме на каналите на „Арена Спорт“, договор кој важи и за Македонија.

Веста за медиумите ја потврди директорот на Серија А, Луиџи Ди Сиерво.

„Исклучително сме задоволни од обновувањето на договорот со Арена Спорт која ќе ги пренесува натпреварите од Серија А и во наредните три сезони. Ја обновивме соработката на задоволство и на двете страни, така го зацврстиме партнерството кое го чуваме и негуваме со години наназад. Не радува и тоа што знаеме со колкава страст и во колкав голем број гледачи се следи Серија А во регионот“, истакна Луиџи Де Серво.

Треба да спомене дека од наредната сезона новост е и што шпанската Ла Лига место на „Спорт Клуб“ ќе се пренесува исто така на „Арена Спорт“.