Дома Фудбал Останато Официјално: Заминува еден од најбараните тренери!

Официјално: Заминува еден од најбараните тренери!

Тренерот на Брајтон, Роберто де Зерби (44) ќе го напушти овој клуб на крајот од актуелната сезона, по натпреварот против Манчестер Јунајтед, соопшти денес премиерлигашот.

Италијанскиот тренер пристигна меѓу „галебите“ во септември 2022 година и се стекна со репутација на еден од најдобрите стратези на Островот, а голем успех постигна со пласманот на Брајтон во осминафиналето на Лига Европа оваа сезона, откако заврши на седмото место во Премиер лигата претходната сезона.

Анде Јанков - македонски автор: Тајните на пишување добар крими роман!? ↓↓↓


„Многу сум тажен што го напуштам Брајтон, но горд сум и на она што го постигнаа моите играчи и стручниот штаб со голема поддршка од сите во клубот во текот на овие две историски сезони. Се договоривме дека ова е мојот крај во Брајтон“, изјави Де Зерби.

Во претходните години италијанскиот стручњак беше поврзуван со голем број на топ клубови како Барселона, Манчестер Јунајтед, Ливерпул и Баерн Минхен, а особени пофалби доби од тренерот на Манчестер Сити, Пеп Гвардиола, кој особено го цени.

За време на неговата тренерска кариера, Де Зерби ги водеше Дарфо Боарио, Фоџа, Палермо, Беневенто, Сасуоло и Шахтјор Доњецк.

Коментари
Прочитајте поврзани статии
Load More In Останато

Проверете

Погледнете ја трансформацијата на ѕвездата на Барселона. АC: Ова е брутално

АЛЕХАНДРО БАЛДЕ (21), левото крило на Барселона, оваа сезона игра одлично за лидерот во Ла…