Откако успешно ги помина лекарските прегледи, попладнево Милан и официјално го промовираше Андре Силва во нов играч на клубот од „Сан Сиро“.
Португалскиот репрезентативец пристигнува од Порто за 38 милиони евра и денес потпиша петгодишен договор со „росонерите“.
Воздухот што нè убива: Зошто Скопје е меѓу најзагадените градови?
„Горд сум што ќе го носам овој дрес. Милан е остварување на сонот. Доаѓам во еден од најголемите клубови во светот и ветувам дека ќе дадам се од себе за да ја оправдам довербата“, истакна Силва.
21-годишниот Португалец оваа сезона експлодираше во дресот на Порто и стана трансфер мета на многу европски гиганти бидејќи важи за еден од најталентираните напаѓачи во Европа.
Ова е четвртото засилување за Милан во летниот преоден рок, после Мусакио, Кесие и Рикардо Родригез, но „росонерите“ не планираат да застанат и најавија нови големи засилувања.
Учество во игри на среќа е дозволено за лица со 18+ години. Играј одговорно!