Официјално: Алегри верен на „старата дама“ до 2020!

Масимилиано Алегри денес стави крај на сите шпекулации околу својата иднина и го продолжи договорот со Јувентус до 2020 година.

Изминатите денови до италијанскиот стратег стигна погата понуда од Пари Сент Жермен, но Алегри одличи да ја продолжи соработката со Јувентус.

Денес италијанскиот клуб официјално потврди дека двете страни ја продолжиле соработката до 2020 година.

„Јувентус со задоволство може да потврди дека потпиша договор со Масимилиано Алегри до 2020 година“, стои во соопштението на клубот.

Италијанските медиуми пренесоа дека Алегри според новиот договор ќе заработува 7,5 милиони евра по созона плус бонуси кои ќе зависат од резултатите.