Откриено: Куртоа се сретнал со претставници на ПСЖ!

Реал чека, Челзи му нуди договор, но…

Алфонс Ареола е одличен голман, но не е топ класа, а шеиците го сакаат само она најдоброто. Не е тајна дека во наредниот период ќе се обидат дополнително да го засилат ѕвездениот тим. Но, она што беше тајно, барем до сега е состанокот кои челниците на Пари Сен Жермен го организирале со Тибо Куртоа.

Белгиската ТВ станица „RTBF“ тврди дека состанокот бил одржан во понеделникот во еден лондонски хотел. Она што посебно ќе ги заболи навивачите на „сините“ е следното – после поразот на Челзи од Манчестер Јунајтед. Токму тоа сигурно е една од причините поради која се требало да остане во тајност, но кога си Тибо Куртоа тешко можеш да се сокриеш во Лондон.

Како и да е, на состанокот присуствувал и неговиот татко Тиери, се наведува дека состанокот бил поделен на два дела. Се зборувало за се, секако и за сумата која би била доволна за Тибо да го избере Париз.

Наводно, Куртоа сака тим со кој би можел да ја нападне Лигата на шампионите, а во ПСЖ и покрај тоа што имаат фантастичен тим се уште немаат победнички менталитет што можеше да се види натпреварот против Реал Мадрид. Се наведува дека Белгиецот се сомнева во целиот проект и се уште не го гледа ПСЖ како дел од фудбалската елита.

Договорот на Куртоа со Челзи му истекува на лето 2019 година. Челзи му нуди нов договор со двојно поголема плата – 12 милиони евра по сезона. Тој барем засега одбива, а на него е да избере Мадрид, Лондон или Париз.