Од Атлетико јасни: Попрво би го продале Гризман, отколку да го изгубиме Симеоне!

Aтлетико Мадрид и Антоан Гризман се повеќе се во центарот на вниманието, а сега на таа тема зборуваше и еден од директорите на клубот.

Навистина е голема реткост да пронајдете клуб кој толку го почитува својот тренер како што тоа е случај со Диего Симеоне во Атлетико Мадрид.

Аргентинецот за неколку години поминати во редовите на „јорганџиите“ стана заштитен знак на овој клуб, а колку тој значи за клубот од Мадрид потврдува и изјавата на директорот на овој клуб Гил Марин.

„Воопшто не се сомневаме дека губење на Диего Симеоне за нас би претставувало многу поголем удар отколку заминувањето на Антоан Гризман. Симеоне со своите вредности, работата и стилот стана заштитен знак на нашиот клуб“, изјави Марин.