Ограбен италијанскиот судија кој го судеше дербито помеѓу Милан и Јувентус

Познатиот италијански судија Паоло Мацолени минатата недела бил ограбен.

Грабежот од домот на судијата се случил на 8-ми ноември, а според италијанските медиуми од неговиот дом се украдени два компјутери, накит и автомобилот на неговата сопруга.

Освен тоа сторителите се одлучиле со себе да однесат неколку судиски униформи и судиски свирчиња.

Мацолени важи за реномиран судија во Италија и знакот на ФИФА го носи од 2011 година, а во изминатиот викенд ја делеше правдата на дербито помеѓу Милан и Јувентус.