Овој фудбалер на Барса потврди: Подобро ми е од кога замина Нејмар

Нејмар летово си замина од Барселона, а сега стигна и потврда дека на некои фудбалери им годи заминувањето на Бразилецот.

Шпанскиот лев бек за медиумите зборуваше за тоа како е во тимот по заминувањето на Нејмар. Од негова лична гледна точка тој истакна дека има повеќе простор за напаѓачките акции.

„Нејмар е голем играч кој замина поради свои лични чуства. Сепак, во Барселона има играчи кои можат да го заменат и да одработат одлично. Задоволен сум од тоа како играме. Ќе бидам искрен, сега имам повеќе простор и подобро ми е. Во овој случај играм со поголема самодоверба и пријатно ми е на теренот. Уживам во она што го немав подолго време“, изјави Алба за „Мундо Депортиво“.

Шпанскиот лев бек не забележа премногу настапи, одигрувајќи 26 натпревари во Ла Лига, но со доаѓањето на новиот тренер Ернесто Валверде тој доби и многу повеќе простор за игра.