Оваа изјава на Симеоне ќе им се допадне на Јунајтед и Барселона

Тренерот на Атлетико Мадрид, Диего Симеоне изјави дека во еден момент Антоан Гризман ќе го напушти клубот.

Веќе се со месеци се шпекулира за можен трансфер на Французинот, а како наредни дестинации се споменуваат Манчестер Јунајтед и Барселона.

Симеоне ситуацијата на Гризман ја спореди со онаа на Арда Туран и Диего Коста.

„Многу ги сакам своите играчи, сакам да гледам како се развиваат. Но, доколку играчот дојде и ми каже дека има желба да премине во некој клуб, ќе му одговорам дека нема проблем. Знам дека е потребно фудбалерите да напредуваат. Секако дека Гризман може да замине во еден момент“, изјави Симеоне.