Обамејанг сака трансфер во Барселона

Ѕвездата на Арсенал Пјер-Емерик Обамејанг се двоуми околу потпишувањето на новиот договор.

Договорот на Обамејанг важи до летото 2021 година, а иако челниците на лондонскиот клуб имаат намера да му понудат нов подобар договор него не му се брза.

Медиумите во Англија пишуваат дека Габонецот ги одложува разговорите за продолжување на соработката бидејќи сака да ја чека Барселона.

Надежите на клубот беа дека со доаѓањето на Микел Артета за нов кормилар, Обамејенг би сакал да остане во клубот и да потпише нов договор. Сепак, англиските медиуми ги негираат ваквите тврдења и информираат дека Африканецот веќе донел одлука да си замине од „Емирати“.

Барселона е заинтересирана за Обамејанг, но тој не е прв избор на Каталонците.