Нов фаворит за замена на Заниоло – Сусо!

Преговорите се веќе во тек – Сусо е фаворит за замена за Заниоло во Рома!

Од вчера сите во Рома се загрижени поради тешката повреда на Заниоло за кого сезоната е завршена. Заниоло заработи повреда на лигаментите.

Кога беше потврдено дека Заниоло повеќе нема да играа оваа сезона стана јасно и дека Рома ќе мора да доведе негова замена. Прво се споменуваше Политано, а од вечерва фаворит е Сусо!

Медиумите на „Чизмите“ пренесуваат дека директорот на Рома, Џанлука Петраки стапил во контакт со луѓето од Милан и се распрашувал за можноста да го доведе шпанскиот играч за врска. Ситуацијата на Сусо во Милан дополнително се искомпликува кога дојде Пиоли и се очекува да замине ова зимо. Наводно, Сусо денес е виден во „Каса Милан“ каде што преговарал за можно заминување.

За Сусо во овој момент интерес покажаа Гетафе, Валенсија и Севиља, но медиумите тврдат дека желба на Сусо е трансфер во Рим. Се шпекулира и дека постои можност за размена со Ченгиз Ундер за кого Милан се интересира подолго време.