Нов скандал во Англија: Уште еден фудбалер на премиерлигаш се обложувал

Фудбалерот на англиски Нотингем Форест, Хари Тофоло е суспендиран пет месеци и казнет со 20.956 фунти поради прекршување на правилата за обложување.

Англиската фудбалска асоцијација објави дека Тофоло ги прекршил правилата 375 пати во период од јануари 2014 до 2017 година.

На фудбалерите на Островот им е забрането да се обложуваат или да пренсуваат информации кои можат да се користат за обложување, па видовме неколку случаи со суспензии во изминатите години. Последен беше случајот со Ајван Тони од Брентфорд.

Дефанзивецот тогаш го носеше дресот на Норвич Сити и како позајмен фудбалер настапуваше за Свиндон, Ротердам, Питерборо и Скантроп. За Нотингем потпиша во јули 2022 година и досега собра 21 настап.