Ново име за наследник на Лопетеги, но за него Перез би морал скапо да плати

Според шпанските медиуми Јулиен Лопетеги ги брои последните денови на клупата на Реал Мадрид.

Јулиен Лопетеги започна катастрофално во Реал Мадрид, „кралевите“ го имаат најлошиот старт во својата историја и многу лесно би можело да се случи после неделното „Ел Класико“ да му биде покажана излезната врата.

Додека Шпанците тврдат дека Лопетеги сигурно заминува, на Островот откриваат и ново име кое е желба на Перез – Маурисио Покетино.

Наводно, Перез е спремен да понуди 40 милиони фунти за одличниот Аргетнинец, а останува да се види како на ваквата понудата би реагирал првиот човек на Тотенхем, Даниел Леви.

Покетино во текот на летото потпиша нов договор со Спарсите и се обврза на петгодишна верност, но нешто послабите резултати оваа сезона малку ја загрозија неговата позиција.

Ќе потсетиме, Покетино се поврзуваше со Реал и кога Зидан го напушти клубот.