Кике Сетиен пред две недели беше избран за нов тренер на Барселона, но каталонскиот „Спорт“ пренесува дека многу играчи не веруваат во методите на новито тренер и се сомневаат дека Сетиен ќе успее на клупата на Барселона.
Работите не се одвиваат добро за Кике Сетиен, особено откако Барселона беше поразена од Валенсија (2-0) изминатиот викенд. Каталонските медиуми пишуваат дека ситуацијата во тимот не е добра, и дека на многу играчи не им се допаѓа што Сетиен направи многу промени. Тие имаат далеку помалку слободни денови и не треба да пропуштаат тренинзи дури и во случај на спонзорски обврски.
Пред дербито, падна најважниот потпис во Манчестер Сити! ↓↓↓
„Играчите сакаат што побрзо да ги сфатат неговите идеи, но во овој момент се многу загрижени, свесни дека тоа не е прашање на денови. А тие знаат најдобро колку времето е важно во фудбалот. Се наоѓаме на средина од сезоната и клубот доживеа многу промени“, пренесува „Спорт“ извор од соблекувалната.
Некои од играчите признаа дека нивните нови улоги во тимот не им биле многу јасни и дека Сетиен не можел да ги претстави своите идеи на најдобар можен начин. Колку трпеливост ќе имаат лидерите на Барселона со него, останува да се види.
Учество во игри на среќа е дозволено за лица со 18+ години. Играј одговорно!