Двете најголеми ѕвезди во светскиот фудбал Кристиано Роналдо и Лео Меси си конкурираат не само по фудбалските квалитети и трофеите, туку и по платите.
Уште еден доказ за тоа е тврдењето на „Мундо Депортиво“ дека Португалецот бара нов договор од Реал Мадрид и неговата плата да е барем за 1 евра поголема од таа на Меси.
Исхрана, повреди и тренинг – совети од доктор по спортска медицина | Уште еден поткаст
Причина за тоа е ставот на Роналдо дека токму тој е најдобриот фудбалер во светот, па со самото тоа треба да биде и најплатен. Кристиано во новиот договор покрај сериозно зголемување на платата сака да бидат вклучени и бонуси за неговите индивидуални и лични достигнувања.
Во моментов Роналдо е трет најплатен фудбалер во светот со 30 милиони евра годишна плата. Пред него се Лео Меси кој во Барселона заработува 40 милиони, и Нејмар кој во ПСЖ заработува 36 милиони евра.
Ова не е прв пат Роналдо да бара нов договор поради Меси. Пред две години го направи истото, откако јавно призна дека е несреќен.
Учество во игри на среќа е дозволено за лица со 18+ години. Играј одговорно!