Ниту Бензема, ниту Винисиус: Анчелоти истакна кој беше најдобар против Челзи

Реал Мадрид на реваншот во Лондон ќе патува со два гола предност откако вчера го совлада Челзи со 2:0 во Мадрид.

Реваншот ќе се игра во вторник на 18 април на „Стемфорд Бриџ“, а Карло Анчелоти порача дека неговиот тим на тој натпревар треба да игра исто како и на оваа средба.

„Не смееме да размислуваме за два гола предност, да се браниме или слично. Целосна концентрација од првата до 90. минута, се исто како и вечерва“, изјави италијанскиот тенор.

Во тимот на Реал неколку фудбалери беа одлични, Карим Бензема постави нов голгетерски рекорд, Винисиус Жуниор во одредени моменти беше недофатлив за одбраната на „сините“, Тибо Куртоа стандардно добар на голот, Антонио Ридигер со одлична интервенција во последните моменти спречи гол на Челзи, но еден играч италијанскиот стратег посебно го издвојува.

„Валверде беше веројатно најдобар на теренот. Играше со таква енергија, помагаше и во одбрана и во напад. Мислам дека Феде беше неверојатен, истакна Анчелоти.