Николас Пепе денеска покажа дека ќе биде огромно засилување за Арсенал

Арсенал во второто коло го совлада Барнли со 2:1 и така стигна до втората победа во новата сезона.

Топџиите дојдоа до водство во 13. минута преку Лаказет, а гостите со голот на Барнес изедначија на 1:1.

Во второто полувреме Обамејанг во 64. минута погоди за конечни 2:1. Новото засилување на Арсенал, Николас Пепе влезе во игра на почетокот на второто полувреме и со неколку потези ги воодушеви домашните навивачи.

Пепе ова лето пристигна на Емирати за 72 милиони фунти откако претходната сезона во дресот на Лил постигна 22 погодоци и запиша 11 асистенции.

Во натпреварот против Барнли не постигна погодок, но во 77. минута со прекрасен потег исфрли два противнички играчи и покажа дел од вештините кои ги поседува.