Нзонзи исфрлен од тимот на Севиља!

Тренерот на Севиља донесе одлука Стивен Нзонси да го исфрли од тимот и во иднина да тренира одвоено од екипата, пренесуваат шпанските медиуми.

Францускиот играч за врска предизвика ваква реакција кај тренерот Берицо откако го напушти стадионот кога беше изваден од игра на полувремето на мечот против Ливерпул, во моментите кога Севиља губеше со 3:0.

Ваквиот гест на Нзонзи има и специфична тежина бидејќи играчите на Севиља во продолжение успеаа да го израмнат резултатот на 3:3 инспирирани од говорот на тренерот кој на полувемето им соопшти дека боледува од канцер.

Меѓутоа, ваквата реакција на Нзонзи не е насочена кон тренерот, туку против клубот кој не му дозволи ова лето да се пресели во редовите на Јувентус.