Нејмар подобро да не се враќа во Париз, еве што го чека

ПСЖ по завршување на трансфер периодот се обиде да ја смири ситуацијата околу Нејмар, бидејќи дел од навивачите не ни сакаат да го видат на стадионот.

Тие најверојатно се закануваат со раскинување на договорот со клубот, но и со сериозно последици, доколку Нејмар се појави на теренот. Тој е спремен, нема причина да не игра против Стразбур во сабота, но и Тухел е во дилема. Го нема ниту Мбапе, ниту Кавани, но дали вреди да се ризикува непријателска атмосфера на „Паркот на принцовите“ во овој натпревар.

Може да го одложи проблемот за Лигата на Шампионите, но тоа нема да значи ништо, навивачите и тоа не мал број, му се закануваат со бојкот, доколку Нејмар биде во конкуренција за натпреварот. Многумина сметаат дека во тимот би требало да се врати на првото гостување, за десет дена во Лион, но тој став не го поддржуваат поголем дел од поранешните играчи.

Од Франција пристигнуваат вести дека Ал Келаифи и Леонардо, од Катар добиле наредба да го продадат Нејмар по секоја цена уште во јануари, и дека тој сигурно ќе си оди во Барселона. Сепак, треба да помине жешка есен во Париз…