Несторовски проговори за својата иднина!

Илија Несторовски имаше добра дебитантска сезона во Серија А, но неговиот Палермо играше очајно и следната сезона ќе се натпреварува во понизок ранг.

И покрај бројните шпекулации за неговата иднина, Несторовски вели дека е подготвен да остане на Сицилија и следната сезона.

„Би сакал да им се извинам на навивачите на овој клуб поради лошите резултати кои ги остваривме сезонава“, изјави Несторовски и додаде:

„Ако треба да кажам за својата иднина, тогаш мојата иднина е тука во Палермо. Имам тригодишен договор и Палермо ми е единствениот клуб во мислите, без разлика што оваа сезона не успеавме да ги исполниме очекувањата на навивачите да останеме во Серија А“.