„Нероаѕури“, утре е денот за долгоочекуваниот потпис!

Веќе подолго време е јасно дека Интер во новата сезона ќе има новајлија во напаѓачката линија.

Аргентинскиот напаѓач од редовите на Расинг, Лаутаро Мартинез ќе го носи дресот на „нероаѕурите“ и само прашање на време е кога се ќе биде официјализирано.

Според најновите информации од италијанските медиуми, Мартинез утре пристигнува на медицински прегледи во Милано.

Самиот агент на фудбалер претходно неколку пати потврдуваше дека неговиот клиент и клубот за кој настапува постигнале договор, па се чека само на потписот.

Иначе, Мартинез како и неговиот иден соиграч во Интер, Мауро Икарди нема да биде дел од репрезентацијата на Аргентина која ќе патува во Русија на Мундијалот ова лето.