Нема крај на проблемите со повреди во Милан

Италијанските медиуми пренесуваат дека плејмејкерот Хакан Чалханоглу и Тео Хернандес го пропуштиле денешниот тренинг.

Тоа значи дека двајцата клучни играчи во тимот на Пиоли се под знак прашалник за мечот со Каљари, кој на програмата е во понеделник.

Ситуацијата со повредени играчи во Милан станува алармантна. Надвор од тимот поради повреда се Матео Габија, Исмаел Бенасер и Алексис Салемакер, а позитивни на Ковид се Анте Ребиќ и Раде Круниќ.

Пиоли за мечот со Каљари нема да може да смета и на Рафаел Леао, кој ќе одработува суспензија поради жолти картони.

The latest on the absences and injured players https://t.co/EMuFeuUWOy

— Milan Reports (@MilanReports) January 15, 2021