Немал пари и замолил еден фотограф да го слика – оваа фотографија на Мане денес е историска (ФОТО)

Садио Мане е една од најголемите ѕвезди на светскиот фудбал.

Фантастичниот Сенегалец блеска во дресот на Ливерпул и нема дилеми дека е еден од најдобрите во светот во овој момент.

Мане како 19 годишник го напушти неговото село во Сенегал и пристигна во Мец клуб кој беше прв посериозен чекор во неговата кариера.

Бидејќи немал доволно пари да купи телефон со камера Мане замолил фотограф да го слика и фотографијата да ја испрати на неговата мајка во Сенегал.

„Ме виде дека имам фотоапарат и ме замоли да го фотографирам зошто сакаше сликата да ја испрати на неговата мајка. Го прашав дали има емаил адреса. Одмавна со главата, па ми го даде емаилот на клубот. На крајот ме праша дали фотографијата е бесплатна“, откри фотографот.

Фотографот тогаш не ни помислил дека фотографира некој кој осум години подоцна ќе биде помеѓу најдобрите фудбалери во светот.

Oва е таа фотографија.