Неверојатно: Тоа што Роналдо го направи за една сезона, Меси за само 4 меча!

Кога Лео Меси во 2012 година ја освои четвртата „Златна Топка“, Жозе Мурињо се восхитуваше на неговата супериорност, но истакна дека разликата помеѓу Аргентинецот и Роналдо не е толку голема.

Пет години подоцна Роналдо е голем фаворит за уште една „Златна топка“ со што би се израмнил со Меси, според многумина најдобриот на сите времиња кога е талентот во прашање.

Дека Аргентинецот е најдобар покажува и фактот дека за само четири натпревари оваа сезона Меси го изедначи бројот на дриблинзи кои Роналдо ги направи минатата сезона во 29 натпревари. Станува збор за 25 дриблинзи.

Кога е минатата сезона во прашање Меси беше подобар во сите параметри. Тој одигра 34 натпревари, Роналдо 29. Аргентинецот постигна 34 гола, додека Португалецот 25. Меси запиша 12 асистенции, а Роналдо само 6.