Неверојатна приказна: Пред пет години беше ѕидар, сега е ѕвезда на Јувентус

Приказната на дефанзивецот на Јувентус, Федрико Гати е навистина импресивна и мотивирачка.

Гати во 2022 година за 5 милиони евра пристигна во Јувентус од Фросиноне, а оваа сезона се наметна како столб на одбраната на „старата дама“.

25-годишниот стопер во изминатите два меча донесе победи за Јувентус со своите голови против Монца и Јувентус, а интересно е дека пред 5 години беше ѕидар и аматерски играше фудбал.

Гати се занимавал и со производство на стакло, поправал покриви и поминувал десет часа дневно на пазар. 

Аматерски почнал да игра фудбал во Павароло, а потоа добива шанса во екипата на Вербаниа во Серија Д. Само за една година се сели во клуб од Серија Ц, а потоа потпишува за Фросиноне во СеријаБ, каде со своите добри игри го привлекува вниманието на Јувентус.

Тој во интервју за „Тутоспорт“ открива дека негова инспирација во животот и кариерата е тенисерот Новак Ѓоковиќ.

„Исклучително му се восхитувам на Ѓоковиќ и неговата глад за победи. Никогаш со ништо не се задоволуваше, секогаш се бореше сам со себе, знаеше дека мора да го промоени својот живот и успеа во тоа“, изјави Гати.