На незнајкото Михајловиќ денес му се смее цела Италија

Главна фудбалска тема во Италија е расистичкото однесување на навивачите на Лацио, кои седиштата на „Олимпико“ го налепија со пораки меѓу кои беше и онаа на Ана Франк во дресот на Рома.

Клубот се огради, навивачката група е изненадена од таквиот чин, додека Серија А одлучи дека капитените на тимовите пред секој натпревар ова кола ќе разменуваат книги „Дневникот на Ана Франк“. Исто така натпреварите ќе започнат со минута молчење.

Меѓутоа, целата таа приказна воопшто не го допре тренерот на Торино Синиша Михајловиќ, па на прашањето за таа тема даде изјава која ги шокираше Италијанците.

„Ана Франк? Не знам која е таа, не читам весници“.

Италијанската јавност остана во шок, па дури и откако му објаснија дека станува збор за книга која ги опишува страдањата на Евреите во втората светска војна, тој ладно одговори:

„Не сакам да зборувам за тоа, воопшто не ме интересира таа тема“.