Иако од таборот на Реал Мадрид стравуваа за црно сценарио пред дербито со Атлетико Мадрид, сепак тоа нема да се случи бидејќи Лука Модриќ ќе биде спремен за натпреварот.
Модриќ имаше проблеми со полесна повреда и го пропушти вчерашниот тренинг, сепак на радост на тренерот Зидан, Хрватот утрово регуларно тренираше со остатокот од тимот.
Исхрана, повреди и тренинг – совети од доктор по спортска медицина | Уште еден поткаст
Шпанските медиуми пренесуваат дека Лука Модриќ ќе биде спремен за големото дерби против Атлетико, а покрај него најверојатно и Матео Ковачиќ ќе се врати во тимот.
Зидан има големи проблеми со повредени фудбалери, па Герет Бејл, Кејлор Навас и Дани Карвахал сигурно нема да бидат спремни за градското дерби.
Утрешното дерби ќе биде од големо значење за „кралевите“ со оглед на фактот дека веќе заостануваат 8 бода зад лидерот Барселона.
Учество во игри на среќа е дозволено за лица со 18+ години. Играј одговорно!