Најскапиот голман на светот на продажба по „дисконтна“ цена

Англиските медиуми пренесуваат дека Челзи е подготвен да го продаде голманот Кепа Аризабалага на крајот на сезоната.

Шпанскиот голман кој во 2018 година беше платен дури 80 милилиони евра не ги оправда очекувањата и сега е резерва на Менди, кој брани одлично.

Кепа е најскап голман на светот, но ја грее клупата за резерви, па и самиот е спремен да ја промени средината на лето.

Оваа сезона добро го искористи отсуството на Менди, кој со Сенегал го освои Афринакскиот куп. Поради формата во која се наоѓа во Челзи се надеваат дека ќе можат добро да заработат од неговиот трансфер.

Сепак, јасно е дека „сините“ нема да можат да вратат ни половина од сумата која ја платија на Атлетик Билбао за неговиот потпис.